in

QUANNO L’AVELLINESE FUORI SEDE TORNA A CASA

‘No piezzo ‘e Alessandro Patanè dedicato a chi, pe’ ‘no motivo o ‘pe n’ato, vive lontano r’Avellino…

emigranti avellinesi

O’ sapimmo, è sempe brutto quanno ce ne ammo ra città nosta e saglimmo ‘o
nord o girammo l’Europa o ati continenti. L’avellinese che se ne va ngoppa, o
fore, è na specie ‘e studente universitario che, ancora vaglione, decide e si
trasferì a n’ata parte per cercà e avè n’istruzione no poco meglio o na fatica
bona. Si trova accossì miezzo a na realtà nova, chiena (come a’pizza) i’libri,
esami, bollette e tante ate cose e tene come unica difesa a’valigia co e’scorte di
mammà. A tutto questo c’aviti aggiunge i pregiudizi che l’ati tenino ngoppa a
nui.

Quanno l’avellinese tene no poco e’ tiempo, o capita no ponte o na festività,
prenota o biglietto tanto tiempo prima perché non vole spenne assai e abbìa a si
fa na specie e via crucis co i posti dove adda ì. Vi racconto l’esperienza mia. A
prima cosa che faccio quanno torno a’vellino, si arrivo e’pomeriggio o a’sera,
vaco addò Palmiro e’l’Erre Club, addo stà o’palazzotto, a mangià na bella pizza
come San Mostino comanna; fore non sanno manco o’che è na pizza bona. Si
invece arrivo a’ matina, pecchè piglio l’aereo, vaco addò De Pascale a fa
colazione; essì perché l’avellinese è tradizionalista e ci tene e’cose ra terra soa,
pure se a stessa terra soa l’ha miso in condizione e sene ì.

Aroppo che ti sienti soddisfatto, ti vai a fa no giro po’ corso e abbii a contà e
vetrine pe verè si i negozi ci stanno tutti quanti o caccheruno ha chiuso. Ma a’
cosa che cchiù ti manca quanno fai sta perlustrazione è che o’ Fraps ancora non
ha riaperto e chi o’sape che riapre n’ata vota!!

I miss you a little

Quanno è ora e’pranzo vai addà nonna pecchè t’ha preparato i fusilli co’sugo, a
parmigiana e a’carne e t’ha pigliato o’ pane ri Picarielli come piace a te.
Inizialmente ti spavienti pecchè piensi ‘e come faccio a mangìà tutte ste cose?’
ma po’ ti vene mente che a’nonna sape fa’ o’nocillo e quindi stai tranquillo.

Roppo tre ore a tavola si so’fatte e 6 ro pomeriggio e che fai non t’ho pigli
n’aperitivo? Vabbuò iammo a’ Bottega però non facimmo tardi pecchè a’sera
aggia scenne.

Capita sempe che l’avellinese prima e’scenne ha visto ‘o calendario r’Avellino
calcio e ra’ Scandone. Almeno na partita quest’anno s’adda verè ma non tanto
pa’ partita ma pecchè adda ì addò Suzzuso a mangià ‘a pizza.
Quanno abbii a capì che ‘o tiempo è finito e te na’saglie n’ata vota, a tristezza ti
piglia l’anema e mentre stai aspettanno ‘o pullman a Piazza Macello, piensi:
cagnerà mai caccosa into ‘a sta città? E chi ‘o sape…

(Dedicato a tutti coloro che per vari motivi sono lontano dalla nostra terra, Alessandro Patanè)

Le 10 cose che mancano di più all’avellinese fuori sede

Cosa ne pensi?

294 punti
Upvote Downvote

Total votes: 0

Upvotes: 0

Upvotes percentage: 0.000000%

Downvotes: 0

Downvotes percentage: 0.000000%

Lascia un commento

Il tuo indirizzo email non sarà pubblicato. I campi obbligatori sono contrassegnati *

mario barisano avellino

Il Video che ha reso celebre il “Maestro” anche in provincia di Salerno